Domma roh panorangni Desember 2009. Lang niahapkon domma i lewati hita na satahun on. Lang niahapkon songon na baru nattuari sada dope hita mulak han huta - sonai ma pangahap ni namanrattou. Lang niahapkon songon nattuari sada pe roh mulak niombah nami huhuta on - naima pangahapni inang ihuta sambil sukkun-sukkung ibagas uhurni, Natal tahun on mulak do nani sidea...?

Lang niahapkon homa lape adong na tarbahen na boi kiraon hubani Simalungun marhiteihon ni Simalungun.Net on - naima homa pangahap nami Tim Simalungun.Net na dob mangusahahon situs on ase boi exis torus.

Bani kesempatan on hanami Tim Simalungun.Net mengucapkan 

SELAMAT HARI NATAL 2009

hubani nassiam ganupan diha-diha, baik member pakon penulis i Simalungun.Net, sonai homa hubani ganup pengunjung Simalungun.Net na dob mambere saran, kritik masukan sadokah on. Baik ai hubani nassiam na ganup hasoman Simalungun ija per marianan,

Damei... damei... damei... ma tongon i sab tanoh Simalungun.

Lang pala malungun uhur age pe niombah lang boi mulak.

Lang pala malungun uhur age pe aha pe lang natarbahen ope hubani orang tua ihuta.

Lang pala malungun uhur age pe Simalungun.Net boi sonon dassa bani nasatahun on.

Lang pala malungun be uhur halani ganup na masa...

Halani  Tuhan domma tubuh i tongah-tongah ta.

Selamat Natal ma bani nassiam ganupan. Akhir hata, marhitei semangat Natal on ase lambin i galang hita rasa persaudaraanta  pakon hasomanta samah Simalungun age pe pakon halak nalegan.